🚛 Cineclube na Casa #7: Proximamente. Tráilers que nos arrastraron ao cinema

“Non existe un modelo único de estética do tráiler, senón que esta depende do xénero do filme que anuncia e dos obxectivos comunicativos que persiga. Ademais, o tráiler vese influenciado pola linguaxe da televisión e do videoclip. Isto fai que o tráiler se estruture dende un punto de vista publicitario, afastándose de criterios cinematográficos. Hai unha gran presión sobre os produtores dos tráilers que conduce á estandarización dos tráilers: escenas que espertan a atención dun amplo público entrecortadas por diálogos rechamantes, aparición das protagonistas, unha música axitada, narración en off apuntando a trama da película e información adicional que axuda a vender a película. Malia isto, o tráiler non é simplemente unha selección das escenas máis destacadas da película, senón que presenta un discurso articulado e unha estrutura axeitada destinados a cumprir a súa función comunicativa. Tal e como sinala Claudia Melissa Neves o tráiler non é unha versión reeditada e reducida do filme, o tráiler ‘posee una estrutura y narrativa propia, generando significación y posibilidad de reconstrucción’ (Neves, 2004, p.66)”

[Tirado de Gil Pons, Eva (2010). La narrativa del tráiler cinematográfico. Congreso Euro-Iberoamericano de Alfabetización Mediática y Culturas Digitales.

Citado no texto: Neves, C. (2004). Trailer: Cinema e publicidade no mesmo rolo. Un estudo sobre o trailer e o movie marketing, ilustrado pela campanha de lançamento do film Cidade de Deus. Tese doutoral, Universidade federal Fluminense, Niterói.]


“Atópanse no tráiler rastros dunha estética dada e de formas de produción que apuntan a un futuro, mais tamén que nos remiten a un pasado. É posíbel dicir, aínda, que se identifican rastros de tráiler en certas producións audiovisuais, como por exemplo en filmes que prometen outros filmes, en videoclips que se constrúen esteticamente a partir de marcas que remiten ao tráiler, etc. Os elementos ‘traileríficos’ constitúense a partir dos rastros de cada un dos outros elementos da cadea audiovisual, organizándose nun xogo de remisións, o cal opera unha tesitura, ou mellor, un texto. De aí que ‘não existe, em toda parte, a não ser diferenças e rastros de rastros’ (Derrida, 2001, p. 32). Contemplar o tráiler como un texto significa asumilo como un tecido cuxos sentidos non son esencialistas, mais que fan un xogo de integración de fragmentos, que se complementan nas sínteses, nos remites, nos trazos e nas súas redes intertextuais:

 […] nenhum elemento pode funcionar como signo sem remeter a um outro elemento, o qual, ele próprio, não está siplesmente presente. Esse encadeamento faz com que cada ‘elemento’ – fonema ou grafema – constitua-se a partir do rastro, que existe nele, dos outros elementos da cadeia ou sistema. Esse encadeamento, esse tecido, é o texto […].”(Derrida, 2001, p. 32)

O tráiler como texto, por definición, non está só: conserva marcas de elementos pasados (dun cinema pasado), mais tamén se amolda para un futuro. A forma textual dese futuro pode tanto ser o filme prometido polo tráiler como outra textualidade audiovisual que se atopa no propio tráiler. Propomos observar aquí o tráiler non só como unha peza que divulga o filme, mais como unha máquina comunicante conectada a outras tantas, de diversas ordes textuais, cuxo obxectivo é, en primeiro lugar, estético, na medida en que fundamentalmente se divulga a si mesmo.

(…)

Podemos dicir que a produción do tráiler está delineada por aspectos publicitarios do mercado cinematográfico (como o desexo construído no tráiler que promete o filme); no entanto, dentro desta mesma organización hai movementos de desestabilización, provintes do desexo de outras sínteses, outros corpos, de xeito que podemos ver outros perfís deses tráilers. Ou sexa, non importa onde se envía o tráiler, independentemente de países, culturas, a produción trailerífica está infectada por certa homoxeneidade, mais esta homoxeneidade coexiste con liñas de ruptura, que se moven no interior do corpo-trailer, como se fosen átomos; e atopan no maquinal vías de acceso para outras actualizacións (o senso dun tráiler que esteticamente se realiza máis alá dos parámetros da publicidade).

 (…) 

O que se reforza, por tanto, é que o tráiler non está relacionado apenas co cinema ou coa publicidae, mais, máis alá deles, conéctase con outras máquinas audiovisuais axenciando novas paisaxes. Deste xeito, describindo os compoñentes do arquivo, constátase que a máquina tráiler funciona e produce reflexións acerca de si mesmo.”


[Tirado de Rocha da Silva, Alexandre e De Oliveira Iuva, Patricia (2013). As semioses do trailer da publicidade à experiência estética. Revista Famecos: mídia, cultura e tecnologia, 20/2, pp. 310-336.

Citado no texto: Derrida, Jacques. (2001). Posições. Belo Horizonte: Autêntica.]


Mércores 24 de marzo ás 21:30 no Instagram do Cineclube de Compostela
Proximamente. Trailers que nos arrastraron ao cinema

Presentación: https://www.instagram.com/cineclubedecompostela/live

Lista de reprodución coas pezas (duración total 62′):

Tráiler de Torso (Sergio Martino, 1973)

Tráiler de Le bonheur (Agnès Varda, 1965)

Tráiler de The Last House on the Left (Wes Craven, 1972)

Tráiler de Mapa (Elías León Siminiani, 2012)

The Warriors: Last Subway Ride Home (Patrick Nicholas Smith, 2015)

Tráiler da sesión dobre con I Dismember Mama (Paul Leder, 1972) e La novia ensangrentada (Vicente Aranda, 1972)

Tráiler de Paranormal Activity (Oren Peli, 2007)

Tráiler de Poltergeist (Tobe Hooper, 1982)

Tráiler de Don’t Look Now (Nicolas Roeg, 1973)

Tráiler de Birdemic (James Nguyen, 2010)

Tráiler de Superman: The Movie (Richard Donner, 1978)

Tráiler de Mouchette (Robert Bresson, 1967; dirixido por Jean-Luc Godard)

Tráiler de Film Socialisme (Jean-Luc Godard, 2010)

Lost Silent Film Trailers (Ira Gallen, 2007)

Don’t (Edgar Wright, 2007)

Dawn of the Planet of the Zombies and the Giant Killer Plants on Some Serious Acid (Alf Lovvold, 2015)

Leila Attacks (Chris Marker, 2007)

Tráiler de Psycho (Alfred Hitchcock, 1960)

Tráiler de A Clockwork Orange (Stanley Kubrick, 1971)

Tráiler de The Exorcist (William Friedkin, 1973)

Tráiler de Lilo & Stitch (Chris Sanders, 2002)

Tráiler de Comrade Kim Goes Flying (Kim Gwang Hun, Nicholas Bonner e Anja Daelemans, 2012)

2020 – Official Movie Trailer HD (Grim Sausage, 2020)

“Premakes” Forrest Gump (1949) (Ivan Guerrero, 2009)

Honest Trailers – Batman & Robin (Screen Junkies, 2013)

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s